للبوح أسباب كثيرة؛ من بينها إبداء التضامن، وإصدار أصوات تملئ فراغ الصمت، وتؤنس وحدة التشكيك القاسية. تحاول صاحبات الشهادات أن يطغين بأصواتهن مجتمعة على أصوات رجال اقتاتوا زيفًا على آلام أخريات. ننشر لكم الشهادة الرابعة التي وردت لنا ضد الناشط الحقوقي و.ع. نشكر صاحبة الشهادة على وضع ثقتها فينا وعلى مشاركة شهادتها معنا ونعدها أننا سنبذل كل ما في استطاعتنا من أجل الحفاظ على خصوصيتها
إليكم نص الشهادة كما وردت إلينا من صاحبتها
الشهاده دي تقيله علي قلبي جدا رغم انها من سنين لأنها اول تجربة تحرش ليا
انا مضطره اتكلم دلوقتي لان ده حق الناجيه اللي كتير كدبوها عليا و لو اضطريت اطلع و اواجه الراجل المؤذي ده باسمي هعمل كده شهادتي عن و.ع انه استخدم معايا نفس الاسلوب الحقير وانا عندي ١٧سنه كنت برضه منبهره بالهاله اللي عاملها لنفسه و انه حقاني و بيقول الحق و بيدعم الستات و الخ دخلت كلمته علي ماسنجر تاني يوم سالني لو بعرف اترجم وان عنده فرصة شغل ليا و طبعا انا انبسطت و قلتله اه طبعا
فقالي تمام هنعمل تست بس و هكلمك ماسنجر اسمعك حجات و تترجميلي و نشوف و اتصل بيا و ابتدي يشغل بورن وقتها انا فعلا مفهمتش و فضلت اقوله مش سامعه حاجه فقالي لاء ركزي كويس لحد مافهمت اتخضيت و خوفت جدا و قفلت في وشه في وقتها وقفلت الموبايل مالصدمه فتحت الموبايل لقيته باعتلي صورتين سكس لفيديوهات ليه مع ستات تاني يعني كانه عامل سكرين شوت للفيديو من بره عملتله بلوك و عدي سنين كتير جدا و لسه مش ناسيه الاذي و الخوف اللي الانسان ده اتسببلي فيه
اللي عمله و.ع. مع البنت دي مش غلطة مرة ولا حاجه لاء دا باترن، زيه زي كل المتحرشين و المغتصبين المتسلسلين و فعلا بيستخدم الاسلوب القذر ده عشان يفرض نفسه
